Cəlilabadda üzümün qiymətində ucuzlaşma olub. Bu haqda məlumatı Cenublu.az Report-a istinadən bu gün, 9 avqust tarixində verir.
Fermerlər deyirlər ki, əvvəllər məhsulun satış qiyməti 1 manat idisə, indi bu məbləğ 40 qəpiyə qədər enib.
"Məhsulun keyfiyyətli olması üçün kifayət qədər əziyyət çəksək də, bu, əkindən yığıma qədər sərf olunan xərcləri ödəmir. Ucuzlaşmanın davam etməsi isə gələcəkdə üzüm bağlarının sayını azalda bilər", - deyə fermerlər əlavə ediblər.
Bu il rayonda 1453 hektar ərazidə üzüm əkini həyata keçirilib və bu günə qədər 1300 ton süfrə üzümünün yığımı aparılıb. Yığım prosesi gələn ay yekunlaşacaq.
