Bu gün Vətən müharibəsi şəhidi Seymur Abasovun dünyaya göz açdığı gündür.
Seymur Abasov 1999-cu il avqustun 10-u Cəlilabad rayonunun Buravar kəndində anadan olub.
Seymur Vətən müharibəsi zamanı Cəbrayılın və Qubadlının azadlığı uğrunda gedən döyüşlərdə qəhrəmancasına savaşıb. O, 2020-ci il oktyabrın 29-da Qubadlı döyüşləri zamanı şəhid olub.
Ölümündən sonra "Vətən uğrunda", "Cəbrayılın azad olunmasına görə", "Qubadlının azad olunmasına görə" və "Cəsur döyüşçü" medalları ilə təltif olunub.
