Biləsuvar rayonunda 2003-cü il təvəllüdlü Kamal yetkinlik yaşına çatmayan Əminəyə (adlar şərti verilib – red.) qarşı seksual hərəkətlər edib.
Teleqraf.az xəbər verir ki, o, ötən il martın 15-də yaşadığı evin həyətindəki tikilidə tanışı Əminə ilə cinsi əlaqədə olub.
Bundan sonra həmin ay 3 dəfə eyni ünvanda qızla təkrar cinsi əlaqəyə girib.
İstintaq orqanı tərəfindən Kamalın barəsində Cinayət Məcəlləsinin 152.4.1-ci maddəsi ilə ittiham elan edilib.
Cinayət işi üzrə ifadə verən təqsirləndirilən şəxs özünü qismən təqsirli bilib. O bildirib ki, hadisədən təxminən 9 ay əvvəldən rayon sakini Əminə ilə sevgili olub.
Kamal qeyd edib ki, iyunun 8-də gecə saatlarında Əminə ona “Instagram” sosial şəbəkəsi vasitəsi ilə mesaj yazaraq babasının evinə çağırıb. Əvvəlcə tərəddüd edən Kamal deyilən ünvana gedib. Onun sözlərinə görə, təxminən bir saat sonra olduqları otağa Əminənin anası əlində telefonla daxil olub. Qapıdan çıxmaq istəyərkən Əminənin anası imkan verməyib və Kamalın şəkillərini çəkməyə başlayıb. Kamal da otağın pəncərəsindən qaçaraq gedib.
İş üzrə zərərçəkmiş Əminə birlikdə razılıq əsasında cinsi əlaqədə olmaları barədə geniş ifadə verib.
Bu cinayət işinə Lənkəran Ağır Cinayətlər Məhkəməsində baxılıb. Məhkəmənin hökmü ilə Kamal 7 il müddətinə azadlıqdan məhrum edilib.
Hökmdən narazı qalan təqsirləndirilən şəxsin müdafiəçisi Şirvan Apellyasiya Məhkəməsinə müraciət edib. Yeni hökmə əsasən, Kamal 1 il 6 ay müddətinə yetkinlik yaşına çatmayanlarla bağlı müəyyən vəzifə tutma və ya müəyyən fəaliyyətlə məşğul olma hüququndan məhrum edilib.
O, 2 il 10 ay müddətə azadlıqdan mərhum edilib.
