Lənkəran Ağır Cinayətlər Məhkəməsində on altı yaşına çatmayan şəxslə cinsi əlaqədə olma və ya seksual xarakterli digər hərəkətlər etmədə və dələduzluqda təqsirləndirilən Zamin Qaraşovun (ad, soyadı şərti) cinayət işi üzrə məhkəmə iclası başa çatıb.
Pravda.az xəbər verir ki, hakim Esmira Məmmədovanın sədrliyi ilə keçirilən prosesdə hökm oxunub.
Məhkəmənin hökmü ilə o, 10 il müddətinə azadlıqdan məhrum edilib.
İttihama görə, rayonların birində yaşayan 2000-ci il təvəllüdlü Zamin Qaraşov qonşusu, zərərçəkmiş, 2009-cu il təvəllüdlü Kəmalə Nəbiyeva (ad, soyadı şərti) ilə 2023-cü ildə müxtəlif vaxtlarda qeyri-təbi yolla cinsi əlaqədə olub və ona qarşı seksual xarakterli digər hərəkətlər edib. Sonra təqsirləndirilən şəxs sevgi münasibətlərində olduğu yetkinlik yaşına çatmayan zərərçəkmiş şəxsə özünün ağır xəstəliyinin olması, müalicəsi və əməliyyat olunması üçün xeyli miqdarda pul lazım olması ilə bağlı həqiqətə uyğun olmayan məlumatlar və yalan vədlər verib. O, bu yolla Kəmalədən pul istəyib. Qız da 2024-cü ildə anasından xəbərsiz evdən ümumilikdə 8300 ABŞ dollarını (14110 Azərbaycan manatı nisbətində) dələduzluq yolu ilə ələ keçirib.
Daha sonra hadisələrin üstü açılıb və Zamin Qaraşov cinayət məsuliyyətinə cəlb edilib.
