“İslam insanların həm mənəvi, həm də fiziki cəhətdən sağlam yaşamasını təşviq edən bir dindir. Bu dində elə tövsiyələr var ki, onlar birbaşa insanın fiziki sağlamlığına xidmət edir. Sünnət, yaxud müstəhəb adlanan bu tövsiyələri qəti əmr olmasa da, müsəlmanlar üçün faydalı olduğu üçün buyurulub. Amma müstəhəb sayılan əməlləri edən savab qazanar, etməyənsə günah qazanmaz.
Müstəhəb əməllərdən biri libas geyinərkən, yemək yeyərkən, addım atarkən, məscidə və evə daxil olarkən sağdan başlamaqdır. Həmçinin ayaqyolu kimi natəmiz yerlərə sol ayaqla daxil olmaqdır. Yemək yeyərkən mümkün qədər sağ əlin üç barmağından istifadə etmək çox vacibdir. Çünki barmaqlarımızın ucunda olan bioenerji yeməyə xüsusi dad verir. Ona görə də əllə yeyilən yemək daha dadlı olur”.
Bunu Bizim.Media.az-a ilahiyyatçı Tural İrfan deyib.
