TƏBİB-in İcraçı direktorunun müavini Anar İsrafilovun təqdimatı ilə Ağciyər Xəstəlikləri Mərkəzinə direktor təyin edilib.
TƏBİB-dən Modern.аz-a verilən məlumata görə, mərkəzin direktoru vəzifəsi Nəhmət Rəhmanova həvalə olunub.
Nəhmət Rəhmanov bundan əvvəl TƏBİB-in İlkin səhiyyə xidməti departamentinin Xidmətlərin təşkili şöbəsinin müdiri vəzifəsini icra edib.
Ağciyər Xəstəlikləri Mərkəzinə direktor təyin edilən Nəhmət Rəhmanova 1970-ci ildə Yardımlı rayonunun Çanaxbulaq kəndində anadan olub.
1987-1993-cü illərdə Azərbaycan Tibb Universitetində Müalicə işi ixtisası üzrə təhsili alıb. 2018-ci ildən etibarən tibb üzrə fəlsəfə doktorudur.
