YAP Lənkəran rayon təşkilatının sədri İqbal Əmənullayev Xarxatan kəndinin partiya fəalları ilə görüş təşkil edib. Bu haqda məlumatı Cenublu.az bu gün, 3 oktyabr tarixində verir.
Görüşdə partiya fəalları, müharibə iştirakçıları, kəndin ağsaqqalları və ziyalılar iştirak ediblər.
Görüşdə çıxış edən YAP Lənkəran rayon təşkilatının sədri İ.Əmənullayev partiyanın yeni qəbul edilən Nizamnaməsi və rayon təşkilatlarının əsasnamələri barədə danışıb. O, rayon təşkilatının bugünkü və qarşıdakı fəaliyyət istiqamətləri barədə məlumat verərək, partiya üzvləri ilə əlaqələrin bundan sonra da səmərəli qurulması üçün müvafiq tapşırıq və tövsiyələrini diqqətə çatdırıb.
Görüşdə İ.Əmənullayev partiya üzvlərinin verdiyi sualları cavablandırıb və irəli sürülən təklif və problemləri qeydə alıb.
