Lənkəranda “Azərişıq” ASC-nin sədri Vüqar Əhmədov Lənkəran və Astara rayonlarının sakinləri ilə görüşüb. Bu haqda məlumatı Cenublu.az bu gün, 12 dekabr tarixində Unikal.az-a istinadən verir.
Qəbul çərçivəsində iştirakçıların müvafiq müraciətləri cavablandırılıb, qaldırılan bəzi məsələlərin yerindəcə həlli ilə bağlı tədbirlər görülüb. Həmçinin bəzi müraciətlər qeydə alınıb və aidiyyəti şöbələrin icraatına göndərilib.
Qeyd edək ki, qəbul mərkəzi icra hakimiyyəti orqanları və digər idarəetmə qurumlarının rəhbərlərinin şəhər və rayonlarda vətəndaşların qəbulu cədvəlinə əsasən baş tutub.
