Bu gün qəhrəman şəhidimiz Arif Qeybiyevin doğum günüdür.
Azərbaycan Silahlı Qüvvələrinin əsgəri olan Arif Qeybiyev 1997-ci il iyunun 6-da Astara rayonunun Səncərədi kəndində anadan olub. Orta məktəb dövründə idmanın atletika növü ilə məşğul olub. Rayon və ölkə üzrə yarışlarda ilk üçlüyə düşüb və həmçinin 2015 Avropa Oyunlarının iştirakçısı olub. 2016-2018-ci illərdə müddətli həqiqi hərbi xidmətdə olub, 2019-cu ildən etibarən isə müddətdən artıq hərbi qulluqçu kimi ordu sıralarında xidmət etməyə başlayıb.
O, Vətən müharibəsi zamanı Füzulinin azadlığı uğrunda gedən döyüşlərdə tankçı kimi iştirak edib və 27 sentyabr tarixində bu istiqamətdə döyüş tapşırığını yerinə yetirərkən qəhrəmancasına şəhid olub.
Ölümündən sonra "Vətən uğrunda", "Cəsur döyüşçü", "Füzulinin azad olunmasına görə" və "Xocavəndin azad olunmasına görə" medalları ilə təltif edilib.
