Bu gün Vətən müharibəsi şəhidləri – Əkram Abdullayev və Əmrah Əkbərovun doğum günüdür.
Əkram Azad oğlu Abdullayev 1998-ci ildə fevralın 21-i Cəlilabad rayonunun Qarakazımlı kəndində anadan olub.
Əkram Abdullayev Vətən müharibəsində iştirak edib. 29 oktyabr 2020-ci ildə döyüş tapşırığının yerinə yetirilməsi zamanı şəhidlik zirvəsinə ucalıb.
Ölümündən sonra “Vətən uğrunda”, “Füzulinin azad olunmasına görə”, “Qubadlının azad olunmasına görə” medalları ilə təltif olunub.
Əmrah Şahid oğlu Əkbərov 1998-ci il fevralın 21-də Lerik rayonunun Livədirqə kəndində anadan olub.
Leytenant Əmrah Əkbərov Vətən müharibəsi zamanı Cəbrayılın, Hadrutun azadlığı uğrunda gedən döyüşlərdə iştirak edib. O, oktyabrın 12-də Hadrut döyüşləri zamanı şəhid olub.
Ölümündən sonra "Vətən uğrunda", "Cəbrayılın azad olunmasına görə", "Xocavəndin azad olunmasına görə", "Hərbi xidmətlərə görə" medalları və "Azərbaycan Bayrağı" ordeni ilə təltif edilib.
