Bu gün Vətən müharibəsi şəhidlərinin – Xəyal Nuri və Ramiq Ağayevin anadan olduqları gündür.
Xəyal Şakir oğlu Nuri 1997-ci il fevralın 12-də Biləsuvar rayonunun Ağayrı kəndində anadan olub.
Aprel döyüşlərinin iştirakçısı olan Xəyal Vətən müharibəsində iştirak etmiş, Cəbrayıl və Füzuli rayonları istiqamətində gedən döyüşlərdə vuruşmuş və düşmən hücumunun qarşısını alarkən qəhrəmancasına şəhid olmuşdu.
Şəhid Xəyal 4 noyabr 2020-ci il tarixində Biləsuvar rayonu Ağayrı kənd qəbiristanlığında dəfn olunub.
O, "Vətən uğrunda", "Cəbrayılın azad olunmasına görə", "Füzulinin azad olunmasına görə" və "Cəsur döyüşçü" medalları ilə təltif edilib.
Ramiq Təhsin oğlu Ağayev 1992-ci il fevralın 12-də Astara rayonunun Səncərədi kəndində doğulub.
Ramiq də 2016-cı il Aprel döyüşlərində savaşıb.
Vətən müharibəsi zamanı Ramiq Ağayev ermənilərin çoxlu istehkam qurğularını və canlı qüvvəsini məhv edib. Cəbrayılın alınması uğrunda gedən qızğın döyüşlərdə ağır yaralanıb və 13 gündən sonra dünyasını dəyişib. Oktyabrın 19-u Səncərədi kəndində dəfn olunub.
Ramiq “Vətən uğrunda” və “Cəbrayılın azad olunmasına görə” medalları ilə təltif olunub.
