Bu gün Vətən müharibəsi şəhidlərimizin – Tofiq Əmirli və Emin Muradovun ad günüdür.
Azərbaycan Silahlı Qüvvələrinin Sərhəd Qoşunlarının giziri Tofiq Şəmsəddin oğlu Əmirli 1992-ci ildə fevralın 27-si Cəlilabad rayonunun Fətullaqışlaq kəndində anadan olub.
Vətən müharibəsi zamanı Xocavənd və Cəbrayıl rayonunun azadlığı uğrunda gedən döyüşlərdə savaşıb. O, 13 oktyabr 2020-ci ildə Cəbrayıl döyüşləri zamanı şəhid olub.
Ölümündən sonra "Vətən uğrunda" və "Cəbrayılın azad olunmasına görə" medalları və 3-cü dərəcəli "Vətənə xidmətə görə" ordeni ilə təltif olunub.
Azərbaycan Silahlı Qüvvələrinin əsgəri Emin İbrahimağa oğlu Muradov 1986-cı ildə fevralın 27-si Lənkəran rayonunun Biləsər kəndində anadan olub. Orta təhsilini Biləsər kənd orta məktəbində alıb.
O, Vətən müharibəsi zamanı Cəbrayılın, Füzulinin, Xocavəndin və Qubadlının azadlığı uğrunda gedən döyüşlərdə iştirak edib. E.Muradov 20 oktyabr tarixində şəhidlik zirvəsinə ucalıb. Lənkəran şəhərinin Biləsər kəndində dəfn olunub.
Ailəli idi. Qızı Xədicə və oğlu İsmayıl Vətənə əmanət qalıblar.
