Bu gün Vətən müharibəsi şəhidlərimizin – Elşən Sultanlı, Röyal İbrahimov və Ruslan İbadlının ad günüdür.
Elşən Nazim oğlu Sultanlı 2001-ci il fevralın 19-da Yardımlı rayonunun Teşkan kəndində doğulub.
Elşən Sultanlı Vətən müharibəsi zamanı Suqovuşan döyüşlərində vuruşarkən 2020-ci ildə oktyabrın 16-sı şəhid olub. O, ölümündən sonra "Vətən uğrunda", “Suqovuşanın azad olunmasına görə”, “Cəsur döyüşçü” medallları və 3-cü dərəcəli “Vətənə xidmətə görə” ordeni ilə tətif edilib.
Röyal Qulam oğlu İbrahimov 2002-ci il fevralın 19-da Lənkəran rayonunun Vel kəndində anadan olub.
Gənc qəhrəmanımız Vətən müharibəsi zamanı noyabrın 2-də şəhidlik zirvəsinə yüksəlib.
O, ölümündən sonra “Vətən uğrunda”, “İgidliyə görə”, “Ağdamın azad olunmasına görə” medalları ilə təltif edilib.
Ruslan Sakit oğlu İbadlı 1995-ci ildə Biləsuvar rayonunun Nəsimikənd kəndində anadan olub.
Ruslan Vətən müharibəsində Cəbrayıl rayonu istiqamətində gedən döyüşlərdə vuruşub və düşmən hücumunun qarşısını alarkən qəhrəmancasına şəhid olub. O, 2020-ci ildə oktyabrın 1-də doğulduğu kənddə dəfn olunub. Ölümündən sonra "Vətən uğrunda", "Cəbrayılın azad olunmasına görə" və "Cəsur döyüşçü" medalları ilə təltif edilib.
