Bu gün Vətən müharibəsi şəhidi Valeh Əkbərzadənin dünyaya göz açdığı gündür.
Valeh Asim oğlu Əkbərzadə 1997-ci ildə fevralın 22-də Lənkəran rayonunun Boladı kəndində anadan olub.
O, bir müddət Azərbaycan Silahlı Qüvvələrinin sıralarında müddətli həqiqi hərbi xidmət qulluqçusu olub. Hərbi xidmətini bitirdikdən sonra mülki şəxs olaraq fəaliyyət göstərib.
Vətən müharibəsində könüllü olaraq iştirak edərək, Füzulinin, Xocavəndin və Şuşanın azadlığı uğrunda gedən döyüşlərdə vuruşub. V.Əkbərzadə 2020-ci ildə noyabrın 5-i Şuşa istiqamətində döyüş tapşırığının yerinə yetirilməsi zamanı həlak olub.
Ölümündən sonra "Vətən uğrunda" , "Xocavəndin azad olunmasına görə" , "Füzulinin azad olunmasına görə" , "Cəsur döyüşçü" , "Şuşanın azad olunmasına görə" medalları və 3-cü dərəcəli “Vətənə xidmətə görə" ordeni ilə təltif edilib.
