Bu gün Vətən müharibəsi şəhidi Cahid Qəniyevin anadan olduğu gündür.
Cahid Şaiq oğlu Qəniyev 1994-cü il fevralın 18-də Biləsuvar rayonunun Çaylı kəndində anadan olub.
Azərbaycan Ordusunun giziri olan Cahid Qəniyev Vətən müharibəsi zamanı Suqovuşanın azadlığı uğrunda gedən döyüşlərdə vuruşub. Cahid Qəniyev sentyabrın 29-da Suqovuşan döyüşləri zamanı şəhid olub. O, 2020-ci il oktyabrın 13-də Biləsuvar rayonunun Çaylı kənd qəbiristanlığında dəfn edilib.
Cahid Qəniyev ölümündən sonra "Vətən uğrunda", "Suqovuşanın azad olunmasına görə" və "Cəsur döyüşçü" medalları ilə təltif edilib.
Allah şəhidlərimizə rəhmət eləsin!
