Bu gün cəlilabadlı şəhid Vüsal Muradovun anadan olduğu gündür.
Vüsal Əlifağa oğlu Muradov 1985-ci il fevralın 3-də Babaxanlı kəndində anadan olub. 4 övladı Vətənə əmanət qalıb.
O, müddətdən artıq xidmət etmək üçün 2007-ci ildən MAXEHQ kimi xidmətini davam etdirib. 2016-cı ildə Aprel döyüşlərində Lələtəpənin alınmasında fəal iştirak edib. Nümunəvi xidmət edən Vüsal Azərbaycan Silahlı Qüvvələrinin yaradılmasının 90 və 100 illiyi medalları ilə təltif edilib.
Vətən müharibəsi zamanı V.Muradov Füzulinin azad edilməsində savaşıb. 2020-ci il 28 sentyabr tarixində Füzuli istiqamətində gedən döyüşlərdə şəhid olub. Cəlilabadda dəfn edilib.
Ölümündən sonra "Vətən uğrunda", "Cəsur döyüşçü", "Füzulinin azad olunmasına görə" və "Cəbrayılın azad olunmasına görə" medalları ilə təltif edilib.
