Bu gün Biləsuvardan olan şəhid Kərimli Səməd İkram oğlunun doğum günüdür.
Vətən Müharibəsi şəhidi Səməd Kərimli 2000-ci ildə dekabrın 16-da Əliabad kəndində anadan olub. Orta təhsilini Əliabad kənd tam orta məktəbində alıb.
2019-cu ilin iyulun 2-də həqiqi hərbi xidmətə çağırılan Səməd Beyləqan rayonundakı N saylı hərbi hissədə xidmət edib.
O, Vətən müharibəsi zamanı Cəbrayıl, Füzuli və Qubadlı rayonları istiqamətində gedən döyüşlərdə vuruşub. Noyabrın 8-də Şuşa şəhəri uğrunda gedən döyüşdə düşmən hücumunun qarşısını alarkən qəhrəmancasına şəhid olub.
O, Əliabad kənd məzarıstanlığında dəfn olunub.
Ölümündən sonra "Vətən uğrunda", "Şuşanın azad olunmasına görə", "Cəsur döyüşçü", "Xocavəndin azad olunmasına görə" və "Cəbrayılın azad olunmasına görə" medalları ilə təltif edilib.
