Azərbaycan Silahlı Qüvvələrinin əsgəri, Vətən müharibəsinin şəhidi Mehdi Qənbərlinin məzarı ziyarət olunub. Bu haqda məlumatı Cenublu.az bu gün, 28 avqust tarixində verir.
Lənkəran Şəhər İcra Hakimiyyətinin əməkdaşları, yerli ictimaiyyətin nümayəndələri şəhidin ailəsinə baş çəkib, qəhrəman övladımızın məzarını ziyarət edib, önünə gül dəstələri düzüb və ruhuna dualar oxuyublar.
Qeyd edək ki, şəhid Mehdi Qənbərli 27 avqust 2001-ci ildə Lənkəran rayonunun Osakücə kəndində anadan olub. 2018-ci ildə Lənkəran rayonunun Tatoba kənd tam orta məktəbini bitirib. 2019-cu ilin oktyabr ayında həqiqi hərbi xidmətdə yola düşüb.
İkinci Qarabağ müharibəsində 3 noyabr tarixində Şuşa istiqamətində gedən döyüşlərdə qəhrəmancasına həlak olub.
Ölümündən sonra “Vətən uğrunda”, “Füzulinin azad olunmasına görə” və “Cəbrayılın azad olunmasına görə” medalları ilə təltif olunub.
