Bu gün Masallıdan olan şəhid Cavad İbadovun doğum günüdür.
Cavad İbadov 1996-cı ildə dekabrın 10-u Masallı şəhərində anadan olub.
C.İbadov hərbi xidmətini başa vurduqdan sonra könüllü olaraq “N” saylı hərbi hissədə və Daxili Qoşunların Xüsusi Təyinatlı Dəstəsində MAXEHQ kimi qulluq edib. Vətən müharibəsi zamanı Füzulinin və Hadrut qəsəbəsinin azadlığı uğrunda gedən döyüşlərdə savaşıb. O, oktyabrın 16-da Hadrut döyüşləri zamanı şəhidlik zirvəsinə ucalıb.
Şəhid çavuş Cavad İbadovun nəşi noyabrın 29-u Masallı şəhər qəbiristanlığında izdihamla torpağa tapşırılıb. Subay idi.
O, ölümündən sonra "Vətən uğrunda" , “Füzulinin azad olunmasına görə”, “Cəbrayılın azad olunmasına görə”, “Xocavəndin azad olunmasına görə” və “Kəlbəcərin azad olunmasına görə” medalları ilə təltif edilib.
