Bu gün Masallıdan olan şəhid Cavad Gülverdi oğlu Babayevin doğum günüdür.
Cavad Babayev 1998-ci ildə noyabrın 28-i Qızılağac kəndində anadan olub. 2005-2016-ci illərdə Qızılağac kənd 2 nömrəli tam orta məktəbində təhsil alıb. 2017-2018-ci illərdə Gədəbəy rayonunda həqiqi hərbi xidmətini uğurla başa vurub. Tikinti şirkətlərindən birində işləyib.
Vətən müharibəsi zamanı Qubadlı uğrunda gedən qızğın döyüşlərdə qəhrəmancasına şəhid olub. Şəhidin nəşi 11 noyabr 2020-ci il tarixində Qızılağac kənd qəbiristanlığında böyük izdihamla dəfn edilib.
Ölümündən sonra “Vətən uğrunda”, “Cəsur döyüşçü”, “Qubadlının azad olunmasına görə” və “Cəbrayılın azad olunmasına görə” medalları ilə təltif edilib.
