Bu gün Lerikdən olan şəhid Cəlal Ağaverdi oğlu Ağayevin dünyaya göz açdığı gündür.
Azərbaycan Silahlı Qüvvələrinin giziri olan Cəlal Ağayev 1984-cü ildə dekabrın 4-də Kornədi kəndində anadan olub.
Ömrünün 17 ilini hərbiyə həsr edən Cəlal, əvvəl 7 il Goranboyda tank komandiri olub, sonra Tərtərə ezam olunub. Bu müddət ərzində 13 fəxri fərman, yubiley medalları və 3-cü dərəcəli “Qüsursuz xidmətə görə” medalı ilə təltif edilib.
Həqiqi hərbi xidməti bitirdikdən sonra Silahlı Qüvvələrin Təlim və Tədris Mərkəzinin gizir ixtisas və hazırlıq kurslarını uğurla bitirib. 2016-cı ildə başlayan Aprel döyüşlərində böyük şücaətlər göstərib.
Daha sonra Vətən müharibəsi zamanı Suqovuşanın azadlığı uğrunda gedən döyüşlərdə savaşıb və sentyabrın 29-u bu istiqamətdə döyüş tapşırığını yerinə yetirərkən qəhrəmancasına şəhid olub.
Ölümündən sonra "Vətən uğrunda", "İgidliyə görə", "Suqovuşanın azad olunmasına görə" medalları və 3-cü dərəcəli "Vətənə xidmətə görə" ordeni ilə təltif edilib.
