Son günlər partiyasındakı qalmaqalla gündəmdə olan Ana Vətən Partiyasının sədri, Neftçalanın sabiq deputatı Fəzail Ağamalı bu dəfə şəxsi həyatı ilə medianın diqqət mərkəzinə düşüb.
Məlumata görə, keçmiş deputatın hər kəsdən gizlətdiyi bir oğlu var. O, 1987-ci il təvəllüdlü oğlu – Ağamalıyev İlqar Fəzailin (ailədə “Oleq” kimi tanınır) rus əsilli anası ilə 80-ci illərin sonunda Bakıda tanış olub.
Rəsmi həyat yoldaşı bu münasibətdən xəbər tutduqdan sonra ailədə gərginlik yaranıb və F.Ağamalı qadını və uşağı Rusiyaya göndərib. Daha sonra ana və övlad Almaniyaya köçərək orada məskunlaşıb. İlqar hazırda biznes fəaliyyəti ilə məşğuldur.
Məsələ ilə bağlı açıqlama verən Fəzail Ağamalı faktı təsdiqləyərək bunu “cavanlıq səhvi” adlandırıb.
O deyib ki, hər kəsin gənclikdə səhvləri ola bilər. Cavanlıqda çoxunun həyatında belə şeylər olur. Mən niyə danmalıyam ki? Cinayət deyil ki. Hər kəsin şəxsi həyatı ola bilər... Bəli, belə bir romanım olub. Bu gün İlqar və anası ilə əlaqəm yoxdur. Onlar öz həyatlarını yaşayırlar. Lazım olan vaxtlarda köməkliyimi göstərmişəm. Bu məsələ ilə bağlı məni ancaq həyat yoldaşım günahlandıra bilər. Ona da zamanında səhv etdiyimi demişəm. Ondan bu səhvə görə üzr istədim. Vəssalam... Bunun heç kimə dəxli yoxdur. Həyatdır, bir neçə dəfə evlənmək olar. Tramp üç dəfə evlənib... Burda qəribə nə var ki?
