Gözlənilən hava şəraiti ilə əlaqədar olaraq fevralın 6-8-də gecə və səhər saatlarında bəzi dağlıq rayonlarda yolların buz bağlaması ehtimalı var.
Cenublu.az xəbər verir ki, bu barədə Milli Hidrometeorologiya Xidməti məlumat yayıb.
Azərbaycanın rayonlarında bir neçə gün davam edən mülayim, yağmursuz hava şəraitindən sonra fevralın 5-də axşam şərq rayonlarından başlayaraq fevralın 8-dək hava dəyişəcək.
Lənkəran-Astara bölgəsində yağıntıların intensivləşəcəyi, dağlıq və dağətəyi rayonlarda qar yağacağı gözlənilir.
Havanın temperaturu ötən günlərlə müqayisədə tədricən 5-8° aşağı enəcək.
