Astarada ölən 10 aylıq körpə komatoz vəziyyətdə xəstəxanaya çatdırılıbmış.
Oxu.аz xəbər verir ki, Tibbi Ərazi Bölmələrini İdarəetmə Birliyindən (TƏBİB) məlumat verilib.
Bildirilib ki, ilkin müayinə zamanı körpədə ürək və nəbz döyüntüləri müşahidə edilməyib:
"Sentyabrın 1-də saat 20:00-da bir körpə (kişi cinsli) komatoz vəziyyətdə Lənkəran Rayon Mərkəzi Xəstəxanasının Təcili tibbi yardım şöbəsinə hospitalizasiya olunub.
İlkin müayinə zamanı körpədə ürək və nəbz döyüntüləri müşahidə edilməyib.
Göstərilən bütün zəruri tibbi xidmətlərə və həkimlərin səylərinə baxmayaraq, saat 20:30-da körpənin ölüm faktı qeydə alınıb".
01.09.2025
Astara sakini olan 10 aylıq körpə hərarət səbəbindən dünyasını dəyişib.
Cenublu.az xəbər verir ki, Astara rayonunun Siyəkü kənd sakini, 2024-cü il təvəllüdlü (10 aylıq) Elcan Həsənzadənin bu gün günortadan sonra bədən hərarəti qalxıb. Yaxınları uşağın qidadan zəhərləndiyini zənn edərək ona ərzaq sodası veriblər. Bundan sonra körpənin vəziyyəti daha da pisləşib.
Uşaq təcili olaraq Lənkəran Rayon Mərkəzi Xəstəxanasının Təcili yardım şöbəsinə çatdırılıb. Həkimlərin göstərdiyi bütün tibbi müdaxilələrə baxmayaraq, körpənin həyatını xilas etmək mümkün olmayıb.
Meyit aidiyyəti üzrə ailəsinə təhvil verilib.
Faktla bağlı araşdırma aparılır.
