Yardımlıda tanınmış muzey direktoru Əli Mirzəli oğlu İsgəndərov dünyasını dəyişib.
Əli İsgəndərov 16 aprel 1961 Yardımlı qəsəbəsində anadan olub.
Orta təhsilini yüksək nəticə başa vuran Əli İsgəndərov Bakı Dövlət Universiteti Tarix fakültəsini bitirib. 1982-ci ildən Yardımlı Rayon Tarix-Diyarşünaslıq Muzeyində fəaliyyətə başlamışdır.
Elmi işçi və fond müdiri kimi çalışdıqdan sonra 1992-ci ildən muzeyin direktoru vəzifəsini icra edib.
Uzun illər ərzində Yardımlının tarixinin, mədəni irsinin və etnoqrafiyasının qorunması və gələcək nəsillərə çatdırılması istiqamətində böyük xidmətlər göstərib.
