Lənkəran şəhər İcra Hakimiyyətinin başçısı Taleh Qaraşov Şürük kənd sakinləri ilə səyyar qəbul-görüş keçirib. Bu haqda məlumatı Cenublu.az bu gün, 30 avqust tarixində verir.
Səyyar qəbul-görüşdə icra başçısı ilə birlikdə icra hakimiyyəti aparatının məsul şəxsləri, rayonun hüquq-mühafizə orqanlarının, əlaqədar təşkilatların və xidmət sahələrinin rəhbər işçiləri də iştirak ediblər. T.Qaraşov yerli sakinlərin sual və müraciətlərini dinləyib, İcra Hakimiyyətinin səlahiyyətlərinə aid olan bütün məsələlərin həlli üçün yerindəcə göstərişlərini verib, İcra Hakimiyyətinin səlahiyyətlərinə aid olmayan məsələlərin həllindən ötrü aidiyyəti qurumlar qarşısında məsələ qaldırılmasını səlahiyyətli şəxslərə tapşırıb.
