Lənkəran şəhər İcra Hakimiyyətinin başçısı Taleh Qaraşov Səpnəkəran kənd inzibati ərazi dairəsinin sakinləri ilə 2-ci səyyar qəbulunu keçirib. Bu haqda məlumatı Cenublu.az bu gün, 16 noyabr tarixində verir.
Görüşdə icra başçısı ilə yanaşı, rayonun hüquq-mühafizə orqanlarının, əlaqədar təşkilatların və xidmət sahələrinin rəhbər işçiləri də iştirak ediblər.
Belə ki, qəbulda Səpnəkəran, Mikolan və Yuxarı Yüvədi kəndlərinin sakinləri tərəfindən qaldırılan bütün müraciət və təkliflər diqqətlə dinlənilib və bəzi məsələlərin həlli ilə bağlı yerindəcə səlahiyyətli şəxslərə göstərişlər verilib.
Taleh Qaraşov ötən müddət ərzində qaldırılan məsələlərin icra vəziyyəti, habelə ümumilikdə rayonda görülən işlər barədə yerli insanlara məlumat verib. Həmçinin o bildirib ki, kənd əhalisinin yaşadığı ərazidə fərdi sahibkarlıqla məşğul olmaq üçün bütün lazımi şərait var və dövlət kənd təsərrüfatı yönümlü layihələrə dəstək göstərilir.
