Lənkəran şəhər İcra Hakimiyyətinin başçısı Taleh Qaraşov şəhid Zaur İsmayılzadənin anım günündə məzarını ziyarət edib. Bu haqda məlumatı Cenublu.az bu gün, 9 oktyabr tarixində verir.
Anım günündə baş tutan ziyarət zamanı qəsəbə qəbiristanlığındakı bütün şəhidlərimizin məzarları önünə gül dəstələri düzülüb, xatirələri ehtiramla anılıb, ruhlarına dualar edilib. İcra başçısı Taleh Qaraşov şəhidin ailə üzvləri ilə söhbət edib, qayğı və problemləri ilə yaxından maraqlanıb.
Qeyd edək ki, dövlət başçısının sərəncamları ilə Z.İsmayılzadə ölümündən sonra 3-cü dərəcəli “Vətənə xidmətə görə” ordeni, “Vətən uğrunda”, “Cəsur döyüşçü”, “Füzulinin azad olunmasına görə” və “Şuşanın azad olunmasına görə” medalları ilə təltif olunub.
