Lənkəran şəhər İcra Hakimiyyətinin başçısı Vətən müharibəsi şəhidi Vasif Abiyevin məzarına baş çəkib. Bu haqda məlumatı Cenublu.az bu gün, 1 dekabr tarixində verir.
Anım gününə həsr olunan mərasimdə, həmçinin icra aparatının rəsmi şəxsləri, rayon ictimaiyyətinin nümayəndələri və şəhid ailələrinin üzvləri iştirak ediblər.
Qeyd edək ki, Vasif Abiyev 28 dekabr 1986-cı il tarixində Lənkəranda anadan olub. Vətən müharibəsi zamanı Füzuli və Hadrutun azad edilməsində iştirak edib. V.Abiyev 5 oktyabr tarixində Füzuli istiqamətində şəhid olub. 1 dekabr 2020-ci ildə Lənkəranda dəfn olunub.
Şəhid ölümündən sonra “Vətən uğrunda”, “Cəsur döyüşçü”, “Xocavəndin azad olunmasına görə” və “Füzulinin azad olunmasına görə” medalları ilə təltif edilib.
