Lənkəran şəhər İcra Hakimiyyətinin başçısı Taleh Qaraşov Vətən maharibəsi şəhidi Ülfət Babazadənin məzarına baş çəkib. Bu haqda məlumatı Cenublu.az bu gün, 20 noyabr tarixində verir.
Belə ki, anım günü münasibətilə təşkil olunan mərasimdə icra aparatının rəsmi şəxsləri, rayon ictimaiyyətinin nümayəndələri və şəhid ailələrinin üzvləri iştirak ediblər. İcra başçısı Taleh Qaraşov şəhidin ailə üzvləri ilə söhbət edib, qayğı və problemləri ilə yaxından maraqlanıb.
Qeyd edək ki, şəhid Ü.Babazadə ölümündən sonra “Azərbaycan Bayrağı” ordeni, “Vətən uğrunda”, “Cəsur döyüşçü”, “Xocavəndin azad olunmasına görə”, “Kəlbəcərin azad olunmasına görə” və “Şuşanın azad olunmasına görə” medalları ilə təltif edilib.
