Lənkəran Şəhər İcra Hakimiyyətinin başçısı Taleh Qaraşov şəhid Əhədzadə İmaməli Şəvəqqət oğlunun məzarını ziyarət edib. Bu haqda məlumatı Cenublu.az bu gün, 29 sentyabr tarixində verir.
Taleh Qaraşov, icra aparatının rəsmi şəxsləri, rayon ictimaiyyətinin nümayəndələri şəhidin ailə üzvləri ilə söhbət edib, qayğı və problemləri ilə yaxından maraqlanıblar.
Anım günündə gerçəkləşən ziyarət zamanı qəbiristanlıqdakı bütün şəhidlərimizin məzarları önünə gül dəstələri düzülüb, xatirələri ehtiramla anılıb, ruhlarına dualar edilib.
Qeyd edək ki, şəhid İmaməli Əhədzadə Vətən müharibəsində göstərdiyi cəsarətinə və şücaətinə görə ölümündən sonra Ali Baş Komandanın sərəncamlarına uyğun olaraq, “Vətən uğrunda”, “Cəsur döyüşçü”, “Döyüşdə fərqlənməyə görə” və “Füzulinin azad olunmasına görə” medalları ilə təltif olunub.
