Lənkəran şəhər İcra Hakimiyyətinin başçısı Taleh Qaraşov Lənkərandan olan şəhid Mehdi Qənbərlinin məzarına baş çəkib. Bu haqda məlumatı Cenublu.az bu gün, 3 noyabr tarixində verir.
Belə ki, ziyarət mərasimində, həmçinin icra aparatının rəsmi şəxsləri, rayon ictimaiyyətinin nümayəndələri və şəhid ailələrinin üzvləri iştirak ediblər.
Qeyd edək ki, şəhid Mehdi Qənbərli 27 avqust 2001-ci ildə Lənkəran rayonunun Osakücə kəndində anadan olub. 2019-cu ilin oktyabr ayında hərbi xidmətə yola düşüb.
Vətən müharibəsi zamanı, 3 noyabr tarixində Şuşa istiqamətində gedən döyüşlərdə şəhidlik zirvəsinə ucalıb.
Mehdi Qənbərli ölümündən sonra “Vətən uğrunda”, “Füzulinin azad olunmasına görə” və “Cəbrayılın azad olunmasına görə” medalları ilə təltif edilib.
