Fövqəladə Hallar Nazirliyinin (FHN) Cənub Regional Mərkəzində regionun təhsil müəssisələrində fəaliyyət göstərən psixoloqlar üçün təlim baş tutub.
Cenublu.az xəbər verir ki, tədbir FHN Fövqəladə halların nəticələrinin aradan qaldırılması işinin təşkili Baş idarəsi və Tibb Xidmətinin əməkdaşları tərəfindən keçirilib.
Təlimdə “Fövqəladə hadisələr zamanı ilkin psixoloji yardımın göstərilməsi” və son dövrlər aktuallığı daha da artan “İntihar və intihara cəhd hadisələrinin qarşısının alınması” mövzularında fotoslayd və videoçarx vasitəsilə ətraflı məlumat verilib.
İnteraktiv formada keçirilən təlim zamanı iştirakçıların sualları cavablandırılıb.
