Ələt-Astara yolunda sürücünün narkotik vasitə təsiri altında avtomobil idarə etdiyi müəyyən olub. Bu haqda məlumatı Cenublu.az bu gün, 15 oktyabr tarixində verir.
Belə ki, Ələt-Astara postunda “Mercedes” markalı avtomobil Baş Dövlət Yol Polisi İdarəsinin əməkdaşları tərəfindən nəzarət qaydasında saxlanılıb.
Sürücü, Bakı şəhər sakini Mehdi Məmmədovun narkotik vasitənin təsiri altında olduğu müəyyən olunub və barəsində İnzibati Xətalar Məcəlləsinin 333.2-ci maddəsinə əsasən, protokol tərtib edilib.
Masallı rayon məhkəməsinin qərarı ilə M.Məmmədov 2 il müddətinə sürücülük hüququndan məhrum edilməklə 450 manat məbləğində cərimə olunub.
