Lənkəran-Astara Regional Təhsil İdarəsi tərəfindən SİM platforması vasitəsilə onlayn olaraq məktəb idarəçilərinin hazırlanması prosesi başlayıb.
Cenublu.az xəbər verir ki, noyabrın 21-dən etibarən Cənub bölgəsində fəaliyyət göstərən ümumtəhsil müəssisələrində olan vakant tədris işləri üzrə direktor müavinlərinin müsabiqəsində iştirak edən namizədlər üçün SİM platforması üzərindən onlayn hazırlıq proqramının həyata keçirilməsinə start verilib.
İlk olaraq iştirakçıların qeydiyyatı aparılıb, sistemə daxil olmaq üçün giriş imkanı yaradılıb və SİM platfomasından istifadə ilə bağlı onlayn təlimatlandırma işləri həyata keçirilib.
Hazırlıq prosesi 3 ay davam edəcək. Bu müddət ərzində iştirakçılar elan edilmiş proqram üzrə mövzuları əhatə edən kurslarda və müvafiq qiymətləndirmələrdə iştirak edəcəklər.
İlkin olaraq platformada 294 namizədin iştirakı təsdiq edilib.
