Salyan şəhəri, Ə.Qasımzadə küçəsi, ev 57 ünvanında fəaliyyət göstərən "Dəf kimi" əmtəə nişanlı qənnadı məhsullarının istehsalı sexində Qida Təhlükəsizliyi Agentliyinin əməkdaşları yoxlama keçirib.
Cenublu.az xəbər verir ki, yoxlama zamanı bir sıra ciddi nöqsanlar müəyyən edilib. Emal sahəsində havalandırma sistemi quraşdırılmayıb, istifadə olunan su filtrdən keçirilməyib, xammal anbarı və hazır məhsullar üçün sahə təşkil edilməyib, temperatur monitorinqi və qeydiyyatı aparılmayıb.
Müəssisədə işlərin görülməsi və xidmətlərin göstərilməsi məhdudlaşdırılıb, fiziki şəxs Əhmədov Samir Zehin oğluna barəsində inzibati protokol tərtib olunub.
