Azərbaycan Yazıçılar və Jurnalistlər birliklərinin üzvü, istedadlı şair, publisist Əli Rafiq 65 yaşında dünyasını dəyişib. Bu haqda məlumatı Cenublu.az bu gün, 27 oktyabr tarixində verir.
Şair 11 noyabr 1957-ci ildə Masallı rayonunun Türkoba kəndində anadan olub. Orta məktəbi bitirdindən sonra Sumqayıt şəhərinə gəlib, buradakı Neft-Kimya İnstitutunun Maşınqayırma və metal dəzgahları fakültəsinə daxil olub.
O, “Sənsiz olanda”, “Vətəni qürbətdə yaşadanlar”, “Ömürdən 50 yarpaq”, “İki dünya arasında” və “Ömür tanrı əmanəti” kitablarının müəllifidir.
