Azərbaycan Silahlı Qüvvələrinin əsgəri, İkinci Qarabağ müharibəsi şəhidi Ağacəfərli Ağamid Şirzaid oğlunun anası Xatirə Adigözəlova vəfat edib. Bu haqda məlumatı Cenublu.az bu gün, 30 dekabr tarixində verir.
Qeyd edək ki, şəhid Ağamid Şirzaid oğlu Ağacəfərli 23 yanvar 1995-ci ildə Lerik şəhərində anadan olub. Orta təhsilini Azərbaycanın ilk Milli Qəhrəmanı, şəhid Valeh Müslümov adına Lerik şəhər 2 saylı tam orta məktəbində alıb. Hərbi xidməti başa vurduqdan sonra Bakı şəhərində bərbər kimi fəaliyyət göstərib.
Vətən müharibəsi zamanı 26 oktyabr 2020-ci ildə Füzuli istiqamətində şəhidlik zirvəsinə ucalıb. Ölümündən sonra “Vətən uğrunda”, “Cəsur döyüşçü”, “Xocavəndin azad olunmasına görə” və “Füzulinin azad olunmasına görə” medalları ilə təltif olunub.
