Biləsuvarda şadlıq sarayında mahnı sifarişinə görə dava düşüb. Hadisə Heydər Əliyev küçəsində yerləşən "Şəfa" şadlıq sarayında baş verib.
1993-cü il təvəllüdlü Aslanın mahnı sifarişi verməsinə mane olduğunu bəhanə etdiyi Nərimanı əvvəlcə təhqir etdiyi, daha sonra isə sifətinə yumruqla vurduğu bildirilir. Aslan məhkəmədə ittihamı qəbul edib və hadisə zamanı spirtli içkinin təsiri altında olduğunu deyib.
O, zərərçəkmiş şəxslə barışdığını və dəymiş maddi ziyanı tam ödədiyini bildirib. Biləsuvar Rayon Məhkəməsinin hökmü ilə Aslana 1 il müddətinə azadlığın məhdudlaşdırılması cəzası verilib.
Adlar şərtidir.
Mənbə: Demokrat.az
