Cəlilabadda şəhid məzarı ziyarət olunub. Bu haqda məlumatı Cenublu.az bu gün, 13 sentyabr tarixində verir.
Şəhid Həsənov Səid Sarbala oğlunun məzarını Cəlilabad rayon Kövüzbulaq kənd Mədəniyyət Evinin əməkdaşları ziyarət ediblər. Mədəniyyət Evinin nümayəndələri şəhidin məzarı önünə gül dəstələri qoyub, ruhuna dualar oxuyublar.
Qeyd edək ki, Səid Həsənov 12 sentyabr 2022-ci ildə Ermənistan silahlı qüvvələri tərəfindən törədilən genişmiqyaslı təxribatın qarşısının alınması zamanı şəhid olub.
Azərbaycan Respublikası Prezidenti İlham Əliyevin Sərəncamlarına əsasən, "Döyüşdə fərqlənməyə görə", "Cəbrayılın azad olunmasına görə", "Füzulinin azad olunmasına görə" və "Şuşanın azad olunmasına görə" medalları ilə təltif edilib.
