Bu gün şəhid Nəcməddin Sadiq oğlu Quliyevin anadan olduğu gündür.
O, 1998-ci il dekabrın 21-də Cəlilabad rayonunun Cünzəli kəndində dünyaya göz açıb.
Nəcməddin Quliyev Azərbaycan Respublikasının Silahlı Qüvvələri tərəfindən 19 sentyabr 2023-cü il tarixində həyata keçirilmiş uğurlu lokal antiterror tədbirləri zamanı Ağdam istiqamətində gedən döyüşlərdə şəhid olub.
Azərbaycan Silahlı Qüvvələrinin hərbi qulluqçusu Nəcməddin Quliyev 44 günlük Vətən Müharibəsində iştirak edib və “Füzulinin azad olunmasına görə”, “Cəbrayılın azad olunmasına görə”, "Vətən uğrunda” medalları və 3-cü dərəcəli “Vətənə xidmətə görə” ordeni ilə təltif edilib.
Qeyd edək ki, o, yaxın qohumu ilə video danışığı zamanı “Şəhid olsam, ailəmə ödəniləcək 11 min manat vəsaitlə kəndin yollarını asfaltlayarsınız”, – deyə bildirmişdi. Cəlilabad RİH və 46 nömrəli Yol İstismarı İdarəsi tərəfindən ümumi uzunluğu 1,4 kilometr olan yollara asfalt örtüyü döşənərək onun vəsiyyəti yerinə yetirilmişdi.
