Bu gün Azərbaycan Silahlı Qüvvələrinin baş çavuşu, şəhid Murad Nəbi oğlu Səlifovun doğum günüdür.
Murad Səlifov 1989-cu ildə yanvarın 21-i Cəlilabad rayonunun Göytəpə şəhərində anadan olub. Murad Vətən müharibəsində torpaqlarımızın işğaldan azad olunmasında igidlik göstərərək Füzuli istiqamətində gedən döyüşlərdə qəhrəmancasına şəhid olub.
Şəhidimiz ailəli idi. Ümid və Yusif adlı övladları Vətənə əmanət qalıblar.
Murad Səlifov Vətən müharibəsində göstərdiyi şücaət və qəhrəmanlıqlara görə “Vətən uğrunda”, “Cəbrayılın azad olunmasına görə” və “Füzulinin azad olunmasına görə” medalları ilə təltif olunub.
