Bu gün Vətən müharibəsi şəhidi Məmmədağa Bağırovun dünyaya göz açdığı gündür. 2016-cı ilin yanvar ayında Masallı rayon hərbi komissarlığı tərəfindən həqiqi hərbi xidmətə çağırılıb. 2017-ci ilin iyul ayında həqiqi hərbi xidmətini Azərbaycan Silahlı Qüvvələrinin Naxçıvan şəhərində yerləşən “N” saylı hərbi hissəsində başa çatdırıb.
Vətən müharibəsi zamanı Cəbrayılın, Füzulinin və Xocavəndin azadlığı uğrunda gedən döyüşlərdə savaşıb. Noyabrın 6-da Xocavənd döyüşləri zamanı şəhidlik zirvəsində ucalıb. Masallı rayonunda dəfn olunub.
Məmmədağa Bağırov 1997-ci ildə dekabrın 2-də Masallı rayonunun Xoşçobanlı kəndində anadan olub.
Ölümündən sonra “Vətən uğrunda”, "Cəbrayılın azad olunmasına görə", "Füzulinin azad olunmasına görə", "Xocavəndin azad olunmasına görə", "Şuşanın azad olunmasına görə" və "İgidliyə görə" medalları ilə təltif edilib.
