Əmək və Əhalinin Sosial Müdafiəsi Nazirliyi tərəfindən Lənkəran, Cəlilabad, Kürdəmir, Yevlax, Ağdaş, Şamaxı, Ucar, Tovuz və Ağsu rayonlarında şəhid ailələri və müharibə ilə əlaqədar əlilliyi olan şəxslərə ümumilikdə 150 mənzil və fərdi ev təqdim edilib.
Cenublu.az xəbər verir ki, mənzillərin təqdim edilməsi tədbiri Lənkəran şəhərində baş tutub. Burada Əmək və Əhalinin Sosial Müdafiəsi nazirinin müavini Vüsal Nəsirli və Lənkəran Şəhər İcra Hakimiyyəti başçısının müavini Mikayıl Cəfərzadə iştirak ediblər.
Qeyd edək ki, müharibə əlillilərinə bu il 90-a yaxın, postmüharibə dövründə 567, ümumilikdə ötən dövrdə isə 7800 avtomobil təqdim edilib. Həmçinin növbədə dayanan bu kateqoriyadan olan şəxslərin avtomobillə təminatı yekunlaşıb.
