Sabirabad rayonunun Şıx Salahlı kəndində şəxsi münasibətlər zəminində başlayan borc mübahisəsi gecə saatlarında bıçaqlı davaya çevrilib.
Demokrat.az xəbər verir ki, hadisə ötən ilin avqustun 15-də kənd məktəbinin meydançasında baş verib.
Dava tərəflər arasında əvvəlki tikinti işlərindən qalan 500 manatlıq borc və qarşılıqlı təhqirlər səbəbindən başlayıb.
35 yaşlı Vüsal Paşayev həmkəndlisi Sahibə əvvəlcə yumruq və ağac parçası ilə, daha sonra isə bıçaqla zərbələr endirib.
Yaralı bibisi oğlunun köməyi ilə xəstəxanaya çatdırılıb, Vüsal isə hadisədən sonra könüllü şəkildə polisə təslim olub.
Məhkəmənin hökmü ilə o, əvvəlcə 4 il 6 ay azadlıqdan məhrum edilib, apellyasiya qərarı ilə cəza 3 il 6 aya endirilib. Vüsal ifadəsində bildirib: “Əsəblərimə hakim ola bilmədim. Qardaşım araya girməsəydi, daha ağır ola bilərdi.”
