Astara rayonunun Şahağac kəndində növbəti səyyar qəbul-görüş baş tutub. Bu haqda məlumatı Cenublu.az bu gün, 20 dekabr tarixində verir.
Qəbula rayonun hüquq-mühafizə orqanlarının, idarə və müəssisələrinin rəhbərləri cəlb olunublar.
Sakinlər kənddə bankomatın qoyulmasına, ikinci marşrut avtobusunun ayrılmasına, suötürücü kanalların təmizlənməsinə, kəndə verilən təbii qazın təzyiqinin artırılmasına, elektrik xəttinə yaxın olan ağacların budanmasına, qəzalı vəziyyətdə olan elektrik dirəklərinin dəyişdirilməsinə, kəndin mərkəzi küçəsində olan səkilərin təmir edilməsinə, asfaltlanmış məhəllə yolunun davamı olaraq daha 400 metr yolun təmir edilməsinə, dəniz və çay sahili boyu ərazilərdə məişət tullantılarının yığılması üçün tədbirlərin görülməsinə köməklik göstərilməsini xahiş ediblər.
Belə ki, görüşdə sakinlərin arzu və təklifləri dinlənilib, bəzi məsələlərin həlli ilə əlaqədar aidiyyəti üzrə tapşırıqlar verilib, digərləri barədə müzakirələr aparılaraq tədbirlər müəyyənləşdirilib.
