Lənkəran Şəhər İcra Hakimiyyəti başçısının sabiq müavini Rəsilə Arifqızı yeni vəzifəyə təyinat alıb. Bu haqda məlumatı Cenublu.az bu gün, 25 sentyabr tarixində verir.
Belə ki, saytımıza daxil olan məlumata əsasən, Rəsilə Arifqızı Lənkəran şəhər Osman Mirzəyev adına qarışıq tipli uşaq evinə direktor təyin olunub. Uşaq evinin direktoru Mehriban Səfərova isə bir müddət öncə tutduğu vəzifədən azad olunub.
Qeyd edək ki, Rəsilə Arifqızı 18 iyul 2022-ci ildə 9-cu sinif şagirdini döydüyünə görə icra başçısının müavini vəzifəsindən azad olunub. Ona Cinayət Məcəlləsinin 309.1-ci (vəzifə səlahiyyətlərini aşma) maddəsi ilə cinayət işi başlanıb. Məhkəmənin hökmü ilə o, 4 min manat məbləğində cərimə olunub.
