Mili məclisin deputatı Qənirə Paşayeva komadadır. Bu haqda məlumatı Cenublu.az bu gün, 25 sentyabr tarixində verir.
Millət vəkilinin səhhəti ilə bağlı məşhur həkim, tibb üzrə elmlər doktoru, ürək-damar cərrahı, Astara seçki dairəsindən deputat seçilən Rəşad Mahmudov açıqlama verib. O bildirib ki, Qənirə Paşayevanın həyatda qalması bir möcüzədir:
“Onun yaşaması tibbi cəhətdən mümkün deyildi. Qənirə xanımı saxlayan onun etdiyi yaxşılıqlar, ona olan dualardır. Problemin qaynağını bilmək çətindir. Amma çox güman ki, bu, ağır iş rejimindən, stresli həyatdan və son zamanlar onun arıqlamasının bədənin immun sisteminin zəifləməsinə gətirib çıxarmasından olub. İnsanlar nə qədər çətin qəbul etsələr də, ətrafda COVİD-in fərqli-fərqli formaları var. Bu da səbəblərdən biri ola bilər. Qənirə xanımın həyata qaytarılması üçün dövlət tərəfindən bütün tibbi imkanlardan istifadə olunur”.
Qeyd edək ki, millət vəkili Qənirə Paşayeva ağır vəziyyətdə Mərkəzi Klinik Xəstəxanaya yerləşdirilib. O, süni tənəffüs aparatına qoşulub.
