Cəlilabad rayon İcra Hakimiyyətinin başçısı Rafiq Cəlilov Şiləvəngə kəndində aparılan abadlıq-quruculuq işləri ilə tanış olub. Bu haqda məlumatı Cenublu.az bu gün, 6 oktyabr tarixində verir.
Belə ki, Şiləvəngə kəndinin giriş hissəsindən başlayaraq 2 km məsafəni əhatə edən işıqlandırma işləri tam yekunlaşaraq kənd sakinlərinin istifadəsinə verilib. Eyni zamanda rayon rəhbəri sakinlərin asudə vaxtlarını səmərəli keçirmələri üçün Şiləvəngə kəndində yaradılan parka da baxış keçirib. Görülən işlərlə tanış olan rayon rəhbəri öz tapşırıq və göstərişlərini verib.
