Cəlilabad rayon İcra Hakimiyyətinin başçısı Rafiq Cəlilov Göytəpə şəhərində aparılan abadlıq-quruculuq işləri ilə tanış olub. Bu haqda məlumatı Cenublu.az bu gün, 28 oktyabr tarixində verir.
Belə ki, şəhərin Nizami küçəsinin 250 metr, Elmir Həsənov küçəsinin 310 metr, İsa Dadaşov küçəsinin 210 metr və M.Fizuli küçəsinin 170 metr hissələrində asfaltlanma işləri aparılıb. Eyni zamanda Qurtuluş küçəsində piyadaların rahat və təhlükəsiz gediş-gəlişinin təmin olunması üçün piyada səkiləri yenidən qurulub.
Rafiq Cəlilov Göytəpə şəhərindəki asfaltlanma işləri və yeni salınan piyada səkiləri ilə bağlı görülən işlərin keyfiyyəti ilə maraqlanıb, tikinti işlərini aparan aidiyyəti təşkilatların rəhbərlərinə müvafiq tövsiyə və tapşırıqlarını verib.
